ЯҢА ЕЛ ТАМАШАЛАРЫНА БИЛЕТЛАР САТУ БАШЛАНДЫ

Бүген, 14 ноябрь көнне, «Әкият» курчак театрында Яңа ел тамашаларына билетлар сату башланды!

Нәни тамашачыларны һәм әти-әниләрне «Тылсымлы яңа ел төше» дип аталган могҗизалы тамашага чакырабыз. Фойеда балалар өчен Кыш Бабай, Кар Кызы катнашында Чыршы тирәли әйлән-бәйлән оештырылачак.

Яңа ел төнендә хәтта төшләр дә гадәттән тыш матур һәм могҗизалы була. Бигрәк тә, Яңа елның хуҗасы – бәләкәй Куян күргән төшләр!

Яңа ел хуҗасы булу – бу бик зур җаваплылык. Күз алдыгызга гына китерегез, ел кызык, матур, үпкәләүләрсез һәм бөтенесе канәгать булырлык итеп үтсен өчен күпме тырышырга кирәк.

Менә шуңа да безнең Куяныбыз тыз-быз чабып, арып-талып, хәлдән таеп, ничек йоклап киткәнен дә сизми кала. Һәм төшләр күрә! Ә төштә... Әлбәттә, төштә Кыш Бабай белән Кар Кызы, Чыршыларда матур утлар, уенчыклар һәм иң күңелле бәйрәм киче! Әйе, төшләрнең дә төрлесе була. Кайчак йөзе кара усаллар матур төшләргә кереп, бәйрәмнең ямен җибәрергә тырышалар. Ләкин без бит беләбез, бу төш кенә, шуңа берәүдән дә курыкмыйбыз!

Яңа ел тамашалары татар телендә 24 нче декабрь һәм 4 нче гыйнвар көннәрендә булачак.

Билет бәяләре – 500дән 850 сумга кадәр.

Яшенә карамастан, һәр тамашачыга билет алу зарури.

Тамаша 1 сәгать 15 минут бара.

1 яшьтән

Яңа елны «Әкият» курчак театры белән каршы алыгыз!